Landa-etxebizitzari buruzko etorkizuneko politikak diseinatzeko, Arabako Foru Aldundiak diagnostiko eta entzute aktiboko prozesu bat jarri du abian lurraldeko kuadrilletan. Helburua da dauden premiak zuzenean ezagutzea eta etxebizitza funtsezko tresna gisa aztertzea belaunaldi-erreleboa, gazteen emantzipazioa, adinekoak beren udalerrietan geratzea eta etxebizitza hutsak edo erabiltzen ez direnak mobilizatzea bultzatzeko.
Etxebizitza-premiak dituztenak eta hutsik edo erabiltzen ez den etxebizitza bat dutenak entzun nahi ditugu.
Emantzipazio-prozesuan dauden gazteentzat, landa-ingurunean bizi-proiektua garatu nahi dutenentzat eta etxebizitza birgaitu edo egokitu behar dutenentzat.
Hutsik edo erabilerarik gabe dauden etxebizitzak dituztenentzat eta beste erabilera bat emateko alternatiba seguru eta bideragarriak aztertu nahi dituztenentzat.
Aurrez aurreko kanpaina 2026ko irailetik azarora bitartean egingo da.
Informazio-gune bat herriz herri ibiliko da zure zalantzak bertatik bertara argitzeko eta inprimakia zuzenean betetzen laguntzeko.
Zuzenean etorri zaitezke, aurretiaz izenik eman gabe.
Kuadrilla bakoitzean gune irekiak antolatuko ditugu, lurraldearen beharrak bateratzeko eta konponbideak elkarrekin proposatzeko.
Beharrezkoa da izena ematea.
Herritarren postontzia uneoro dago eskuragarri, zure ideiak eta iradokizunak bidal diezazkiguzun, etxetik mugitu gabe.
Hilabete hauetan zehar, unitate mugikorrak Añana, Arabako Lautada, Gorbeialdea, Aiaraldea, Arabako Mendialdea eta Arabako Errioxa zeharkatuko ditu. Kontsultatu mapa interaktiboan noiz egongo den zure udalerrian eta noiz egingo diren informazio saioak.